082 458 8751 

2019 - Kopiereg voorbehou

Ontwerp en onderhou deur eCom South Africa

BIOGRAFIE

Dis ‘n feit dat haar unieke skitter-glitter klanke die lekker lag in jou uitbring. Want regoor die land leer dié blonde BLIENGMASJIEN vir al haar tjommas die dansie van haar treffende treffer Die Tennis Tune. Jy ken haar dalk nét as die “Hoezit my tjomma” Flooze wat jonk én oud vermaak en laat lag, maar glo dit of nie, daar is ‘n dinamiese dame genaamd Sorina ágter die masker van die Flooze wat, met ‘n meestersgraad in Regte agter haar naam, mense verras met haar ernstigheid en haar opregte menswees en wat al meer geliefd raak op vertonings soos dames-oggende, feeste en privaat funksies. Dis veral met haar “Sorina” album HOOFLETTERS waar sy Flooze se kenmerkende rooi leerbaadjie uittrek en as Sorina mense verbaas met haar mooi sangstem en goeie skryfvernuf.

​​

Kunstenaar. Sepiester. Aktrise. Sangeres. Komediant. TV aanbieder. Seremoniemeester. Liedjieskrywer. Maar van almal is die grootste en belangrikste titel vir haar die ene wat haar klassifiseer as Mamma. Mamma van twee besige woelwaters Braambossie (5) en Miana (3) weet sy hoe dit voel om in Mamma-wees se spesiale, dankbare en nederige pantoffels te loop. Saam met manlief Braam Riekert maak hulle n gedugte span want nie net is hulle vanjaar 11 jaar getroud nie, maar is hy ook die bestuurder van Sorina se sangloopbaan

En of sy nou Flooze is wat met haar humor gehore van kleinkinders tot grootouers laat skater dat Oumagrootjie se valstande uitval of Sorina is wat as gewone Mamma vir mense hoop gee met haar hart se musiek, is daar een ding wat deurentyd onveranderlik sal bly, haar lewensmotto:

"WAT EK IS, IS NET GENADE EN WAT EK HET, IS NET GELEEN!"

Sorina Icons-08.png